客廳做咗一組頂天立地嘅C字櫃，中空位置加咗LED燈帶，方便擺放鎖匙同埋出門小物，仲特登留咗電掣位。底部懸空設計可以擺日常著嘅拖鞋，加埋防地腳線設計，完美貼合牆身唔會有罅隙。用料方面揀咗防刮耐磨嘅生態板，淺色木紋質感好自然。呢種高空發展嘅收納設計非常適合香港嘅細單位，大大增加儲物空間之餘又唔會覺得壓迫。