帶大家睇下呢個全屋訂造傢俬嘅靚裝單位。入屋首先見到一組多功能玄關櫃，中空位置加咗滲燈，放鎖匙銀包啱啱好，下層就係透氣鞋櫃。行入廚房，U型廚櫃用盡三邊牆身，防花石英石枱面配搭深灰色地櫃，型格得嚟又容易清潔，吊櫃就用咗玻璃門設計，空間感大增。客廳電視櫃連埋展示玻璃櫃，入面裝埋LED燈帶，放模型或者酒都好有氣氛。成個單位嘅收納空間極多，非常適合一家大細居住。