呢個無印風大櫃採用淺木色同純白配搭，帶出自然清新嘅感覺。就算做到頂，視覺上都完全唔覺得壓迫。中間特登做咗摟空設計，方便擺放微波爐、咖啡機或者裝飾品，仲加埋暗藏嘅 LED 燈帶，令到成個空間更加有層次感。上層配備咗長虹玻璃掩門，防塵之餘又帶點通透感，入面擺杯碟就最啱。下層就係特大容量嘅櫃桶同埋層板收納，無論係大件電器定係立雜嘢都可以輕鬆收埋。側邊仲偷位做咗個高身窄櫃，專門用嚟掛長遮同擺吸塵機。呢款設計非常適合香港一般嘅中小型單位，實用得嚟又夠晒美觀。