大單位嘅全屋傢俬設計當然要夠氣派啦。客廳呢個大型電視組合櫃用咗深色木紋配搭雲石紋背板，成個感覺非常之高級。旁邊嘅玻璃飾物櫃加埋LED燈帶，將客人嘅珍藏完美咁展示出嚟。梳化背後仲做咗一組半腰櫃，既可以劃分空間，又多咗個位擺放裝飾品。睡房方面就做咗一個特大嘅衣帽間，L型嘅到頂衣櫃連埋梳妝枱，收納空間極之龐大。只要設計得好，無論屋企有幾多雜物都可以收納得整整齊齊，住落自然舒服好多。