呢套滿分傢俬組合以簡約原木色配搭素白色為主調，帶出溫馨嘅家居感覺。客廳嘅電視櫃連住C字櫃一體化設計，中空位置可以放鎖匙銀包，底部懸空方便換鞋同擺放掃地機械人。睡房就配置咗油壓床，輕輕一拉就可以打開，床底全部都係儲物空間，連大件行李箱都放得落。床頭櫃同衣櫃完美銜接，唔浪費任何角落。全套傢俬選用優質實木夾板，防潮耐用，專為香港蝸居度身訂造，實用率極高。