呢間睡房採用咗簡約溫馨嘅木系設計風格。入面做咗一張實用嘅地台床，床板揭開全部都係超大嘅收納空間，最啱用嚟擺放轉季衣物同埋厚被。床頭位置特別做咗薄櫃，可以擺放眼鏡同手機，仲加咗插蘇位方便充電。旁邊連住一組到頂大衣櫃，用咗白色木紋面板，令到空間感更加大。衣櫃側邊仲偷位做咗個開放式層架，可以擺啲常用嘅護膚品或者裝飾品。整體佈局四正實用，將細單位睡房嘅收納潛力發揮到極致。