油塘高宏苑：客廳隱形床工廠試裝

身影1 大家好啊，今天喺胡家俬工廠就帶大家睇一個好圓完嘅試裝局。我哋做咗一組好大嘅廳嘅傢俬，我想俾大家睇下就係點解喺呢個客廳呢，可以整到兩張床嘅。咁我哋眼前可以睇到左手邊呢一組呢，就係一個師傅櫃啦！師傅櫃打開就係一張餐桌嚟嘅，可以簡單一兩個人喺上面食嘢啊，做嗰啲事情咁樣。收埋佢都係一個普通嘅儲物櫃咁樣嘅款嚟咋。而另一邊呢，就係一張鋼琴床啦，收埋就可以做書枱，放低就可以做床。而另外呢呢個地台上面就係隱形床啦，拉落下嚟都係一張標準嘅雙人床。另外嗰個書枱上面呢，都有呢啲搣光玻璃嘅儲物櫃啦，然後呢個就係用彈門膠，咁樣撳就可以彈開嘅。

而上便呢組櫃，大家會見到嘅深度就做得比較深啲，就係可以掛衣嘅。呢，呢兩格呢，都係裝着呢種下拉式嘅掛衣杆哦，呢種掛衣杆呢，最適合用喺呢啲比較高嘅櫃頭度，因為呢，只需要拉住呢呢條繩，就可以將衣杆拉落下嚟，咁掛好件衫之後呢，就可以升返上去。另外呢邊就係一個大嘅地台啦，咁地台下面每一格都係可以儲物㗎。咁地台旁邊呢一組櫃呢，都係一個衣櫃嚟嘅，打開都係可以掛衣啦，上下格都有好多掛衫嘅空間。呢道門呢，就係對開嘅，所以掛衫嘅位置就會更多。下面就做咗櫃桶，可以放啲細嘅衣物咩嘢。

另外呢個就係頭先睇到嘅一個隱形床啦，嗰面都係做咗一啲條紋板嘅設計，下面都仲有啲櫃桶可以儲物㗎。嗱為咗呢張隱形床可以兩邊都落床，右手邊就預留咗啲空間，都做咗一個細嘅儲物櫃嚟利用起呢個空間。隔離就做咗一個背景牆，咁整個設計風格就好一致。

另外就係客廳嘅另一邊，就係呢個呢係一個雪櫃位嚟嘅，下面就可以放雪櫃啦，上面嘅櫃都可以攞嚟擺嘢。右手邊呢個鏡櫃，入便都係一個層板櫃嚟㗎。呢個可以當係一個小小嘅pantry咁用啦，可以放啲食物同埋啲零食咩嘢。咁推返埋去就係一面鏡嚟㗎。所以一個簡單嘅客廳呢，都可以做到咁多嘢嘅。如果你都幾鍾意呢個設計嘅話呢，快啲搵我哋胡家俬嘅設計師傾吓偈 📋✨ (背景音樂)