鴨脷洲漁安苑：間房櫃、衣帽間與C字櫃配置

哈大家好，今日我哋好傢俬咧又帶大家嚟睇樓睇傢俬啦，今日我哋嚟到裕安苑嘅彩安閣，我哋完成咗一個全屋裝修連埋傢俬嘅。🛋️

咁一入门口咧就係一組組合櫃啦，組合櫃嘅對面咧呢幅牆咧就係用傢俬嘅板材揀出嚟嘅，陣間我哋再仔細睇。

咁一入门口呢一組櫃嘅特別之處呢就喺於佢嘅功能性呢就好多嘅，除咗右邊嘅鞋櫃之外，隔籬可以當係一個儲物用嘅廳櫃之外呢，仲有玻璃飾物櫃，中空位呢又可以放啲電器。🔌

咁隔籬呢一邊咧就係做咗一個坐櫃，坐櫃下面可以放鞋嗰啲啦，然後後面嗰塊洞洞板咧係可以有啲磁石可以吸上去嘅，輕櫃唔少得嘅，當然係櫃筒啦，可以放啲出街用嘅常用物品啦。

下面呢一度咧就照住客戶嘅要求呢就冇做到一個底板嘅。

好跟住咧對面呢一組咧就係用呢個傢俬板材質嘅一個間隔啦，上面咧就主要攞嚟走電線啊同埋啲燈掣同埋插蘇位啦，相信第時咧就係一個電視櫃嘅背板嚟嘅。

咁隔籬呢邊做咗一個趟門啦，個玻璃趟門都做得好靚噶，所有呢啲門咧都係我哋自己好傢俬做噶。

然後呢呢個入邊就係有一排長嘅間隔櫃啦，其實就係頭先嗰個電視櫃嗰個背板嘅後面啦。

好跟住穿過呢個我哋做嘅趟門之後呢，就係呢一間嘅主人房啦，🛏️咁呢個主人房咧就做咗一個好好大嘅油壓床啦，下面有好多嘅儲物空間。

床頭呢格呢就幾特別噶，呢個空間呢其實係點樣嚟翻嘅呢？我哋去另外一邊去睇一睇就明

白噶啦。

嗱，其實就係呢一塊板嘅後邊嘅空間嚟嘅，左邊呢度咧就一樣可以正面咁樣用啦，而隔籬呢一個位置咧就係床頭嗰燈箱位啦。

咁對面呢一組咧又係一組大嘅衣櫃嚟嘅，裏邊可以掛衫啦，又可以有活動層板可以擺啲摺衫嗰啲啦，頂頭咧都係可以擺啲唔常用嘅物品啦，好似啲被啊或者啲過咗季嘅衫啊。👗

至於呢一個玻璃櫃咧就可以擺啲比較靚嘅飾物啊，或者係啲名牌袋啊，女士就最中意噶啦。

咁一樣有櫃筒儲物啦，最後呢一邊咧都係有足三格同埋有櫃筒嘅，咁相信淨係呢一排嘅櫃咧都等於一間大嘅衣帽間嘅容納量啦。✨

咁希望睇完呢一間嘅全屋裝修連傢俬咧大家都對我哋好傢俬嘅出品呢都有一定嘅信心啦，如果你都有一間屋想成間咁樣翻新裝修同埋傢俬一手包辦嘅，快啲同我哋好傢俬嘅設計師聯絡啦。👍

咦，你見到我個口大個口做咩啊？