法式奶油風連排儲物櫃：玄關至睡房設計

影片介紹

【細單位反擊戰】500尺都做得到 一幅櫃由玄關一路做到床頭！

香港單位細，最頭痛嘅唔係冇位，係啲位好散：玄關冇位放低嘢，窗邊嗰條位嘥咗，雜物就周圍塞。今次呢個法式奶油風個案，索性將玄關、走廊同睡房嘅櫃拉成一幅，做到頂，一條龍收晒。

吊櫃同地櫃中間留返個中空位，鎖匙、銀包返到屋企順手一放。下面連埋換鞋凳，坐低著鞋唔使彎腰。

上格玻璃門擺飾物同少用嘅嘢，防塵，家務都少啲；到頂高櫃食盡垂直空間，行李箱、換季衣物、大膠箱全部有位擺。

唔會直射眼，夜晚著燈成幅櫃即刻有層次；電位插座一次過駁埋喺枱面上方，用電器、叉電都就手。

枱面一路拉到窗邊，設計師上門度尺度到啱啱好，唔會撞窗又唔會留條入塵嘅罅。平時當書枱、梳妝枱用都得。

奶白做底、淺木加暖、深木門收邊。奶白線條門板襯淺木枱面，金色手掣一提就唔悶，望落統一又乾淨。