12張圖話你知侘寂風點慳位

影片介紹

侘寂風唔止係「奶白配淺木」咁簡單：真正做得靚嘅，係將雜物全部收入牆身，枱面同地面留返空白，成間屋先靜得落嚟。今次呢輯細單位案例，我哋逐格話你知每幅牆點樣變返儲物位，慳位之餘仲要好睇。

牆身開放格配燈帶，擺陶器同書都有氣氛；下面順住做窗邊長凳連櫃桶，坐得又收得，一條龍訂造連窗台位都度到啱，櫃身同枱同色，睇落大成倍。

電視櫃懸空離地，行過唔撞腳，地面望落闊落好多。背景牆一體訂造，電線全部收入櫃身，成幅牆統一，雜物一件都唔外露。

走廊條牆最易嘥，做返嵌入式飾櫃，上面開放格擺擺設，下面櫃桶收埋雜物；燈帶滲光，行過條走廊都柔和唔死白。

煮食位特登調矮少少，炒菜唔使吊起手，企耐啲都唔累。木紋櫃身配淺色枱面，唔會覺得焗促。

張床下面全部係櫃桶，換季衫同被褥收晒入去；衣櫃訂造到頂，行李箱同厚被擺上層，房細都keep住整潔。床頭上面再食多層層櫃，唔常用嘅嘢上牆收，一樣唔覺壓迫。

淨係一隻米白會悶，所以深淺分三級：牆身最淺、櫃身中間、木色最深，唔撞色又有層次，呢個就係設計師嘅安全牌。