暖極簡奶油風：米灰、淺木與光線配搭

影片介紹

暖極簡唔係全屋油奶白就得，淺得滯會寡，木色太黃又容易顯舊。今次9格用米灰、淺木同暖光互相平衡，細單位都可以柔和得嚟有空間感。

懸空電視櫃拉闊細廳：櫃底留空再加燈帶，視線可以一直延伸到牆邊。櫃身用接近牆身嘅奶白色，成幅電視牆望落更乾淨。

到頂櫃唔一定有壓迫感：梳化旁邊嘅高櫃用淺米灰門板，拉手收得低調，櫃身同牆面融為一體，視覺自然輕盈好多。

廚房用米灰襯淺木：上櫃用米灰壓低存在感，地櫃同木牆就保留暖度。雪櫃、焗爐同煮食位預先度啱尺寸，電器齊整嵌入先有訂造效果。

吊櫃底燈唔只為氣氛：燈帶直接照亮煮食枱面，切菜煮餸唔怕俾自己背影遮光，暖光亦可以中和灰色牆磚嘅冷感。

浴室櫃懸空更易打理：地櫃離地可以減少櫃底積濕氣，拖地清潔亦更方便。暖灰牆磚配米白櫃身，浴室望落沉穩但唔會冷冰冰。

奶白空間要有深色壓場：餐枱用深一度嘅木色做視覺焦點，同淺色梳化形成層次，成屋就唔會白茫茫又冇重點。