現代簡約設計：配色、光線與收納

影片介紹

點解有啲屋睇多幾年都唔易過時？今次用9張圖拆解現代簡約嘅配色、燈光同收納技巧，屋細一樣可以做到企理又有層次。

到頂廳櫃配合懸空電視櫃，將雜物同電線收好。石紋背景牆再接木色飾物櫃，成幅牆連成一體，視覺自然更整齊。

玻璃門配暖色燈帶，收藏品擺出嚟有焦點之餘，亦可以減少食塵。灰色櫃身加入木紋中空位，大櫃都唔會睇落太笨重。

飯廳旁用黑框玻璃趟門分隔空間，光線可以繼續穿過，減少間房後又黑又迫嘅感覺，亦令整體線條更俐落。

上櫃做到頂，將少用嘅煲具向上收；煮食爐、洗滌區同枱面沿三邊排列，備餐位置更集中。灰白色配暖光，乾淨得嚟唔會太冷冰冰。

到頂衣櫃食盡垂直空間，床頭加入木飾面同暖色滲光，柔化大幅灰白櫃門。細房再將書枱、書櫃同睡房吊櫃一併設計，唔使逐件傢俬硬塞入房。