今次帶大家睇鴨脷洲漁安苑嘅單位設計。客廳最搶眼係組大型到頂C字櫃，用咗淺色直條紋飾面感覺清新。當中有組黑鋁框玻璃飾物櫃加咗LED燈帶，擺設一流。旁邊貼心設計咗換鞋位連軟墊，背板用洞洞板方便掛嘢。櫃身轉角做咗圓角修邊唔怕撞親，中間留空加插蘇位實用滿分。入房做咗地台床解決收納問題，床底全儲物，外有櫃桶方便攞嘢。床頭板用拼色設計，仲偷位做發光小壁龕擺電話。單位仲用黑框玻璃趟門做間隔，透光增空間感又保私隱，完美示範小空間大可能。