幾十呎嘅細房一樣可以做到極限收納！成間房用咗地台床設計，下面全部都係收納空間，連樓梯級都做埋櫃桶，放衫放雜物都非常之方便。床頭做咗一組頂天立地嘅大衣櫃，趟門設計唔會阻定，入面掛衫位同層板分佈得好實用。書枱就偷位連住個衣櫃，上面加多幾個吊櫃，平時做嘢或者讀書都夠晒位。成套傢俬用咗淺木色配搭白色，令到間房視覺上更加光猛闊落，最啱香港啲蝸居細單位。