房間重點係呢組多功能組合床，上面係休息區，下面就係衣櫃同書枱，完全係為細房度身訂造。樓梯位全部做晒櫃桶，一啲位都唔浪費。衣櫃入面間隔好實用，有齊掛長裙嘅位同埋放貼身衣物嘅細格。書枱側邊仲有層板俾你擺文具同電腦，成個格局緊湊得嚟又唔會覺得壓迫，最啱小朋友或者後生仔用。