【直拍工廠試裝現場】深水埗愛海頌‍‍‍全家都滿意的全屋傢俬 | 兒童床 | 閣樓 | 油壓床 | 衣櫃 | 訂造傢俬 | 好傢俬 Hohomehk

大家好啊，今日我哋好家私咧就試裝咗一組愛海嘅兩房一廳嘅全屋家私，我哋一齊睇下個主人房先 🛏✨ 個主人房咧就有一張大嘅油壓床，前面板就係有一個地台嘅儲物格。隔離呢就係梳妝台同埋書檯，右手邊呢就係一組大嘅衣櫃，咁呢個衣櫃呢入邊就做咗一個感應燈，当你打開門呢兩邊嘅燈帶就會着噶啦，下層呢邊就做咗一個可以伸縮嘅掛杆，呢個就方便呢個屋嘅主人可以掛一啲短褲啊或者係內衣褲，都幾好用嘅，咁呢個檯底個轉角位置都係做咗儲物嘅，咁掛衫下面咧都有係柜筒，隔離張檯咧呢啲柜筒有人可以攞嚟擺嘢。

咁去到油壓床呢一邊啦，嗱呢張油壓床咧床頭就做咗一個啡色嘅軟包，然後前面板嗰兩級就做咗一個滲光嘅效果，前面板係地台儲物格，每一個儲物格咧我哋都係配咗緩衝氣撐，咁個門就會自己慢慢咁降落嚟，上面呢一格大格嘅咧就係一個油壓床，升起打開咧佢入邊嘅空間就可以完全攞嚟擺啲大件嘅物件，好似行李箱嗰啲。跟住我哋睇到佢哋另一間嘅睡房呢 🧸💤

呢個就係一間小朋友嘅房嚟嘅，就知道屋主嘅小朋友應該好中意呢個海洋主題，呢個公仔都做得精緻噶，上面都係用咗同一嘅配搭，做咗呢個壁畫，咁個樓梯都係襯翻呢個主題，下層就有書檯，可以俾小朋友做功課，有電掣位可以俾佢插墊，拉出嚟都可以將個檯面延伸出嚟，下層都有一個柜筒可以擺文具，而右手邊呢度上面就係個書櫃，下邊咧呢個位係俾佢擺書包啊或者一啲大件嘅返學用嘅嘢。左手邊呢邊下面就係一個衣櫃，入邊就可以掛啲小朋友衫，下層呢一邊咧都仲有一張床，呢個都係一張標準嘅單人床，床下面一樣係做咗一個好深嘅柜筒，咁成個床下嘅空間就可以完全用晒噶啦。

跟住我哋嚟到另外一邊呢個樓梯櫃嘅位置，呢個樓梯櫃除咗可以俾小朋友好平穩咁樣上落之外，當然佢仲有好多人嘅儲物空間，包括呢邊我哋做咗一啲整個深度嘅柜筒，呢個柜筒就一路通到落去入邊最底。

最後咧我哋就嚟到睇呢個客廳 🛋🎨 我哋好家私嘅設計師就好擅長做一啲意式簡約風嘅設計，包括佢呢組電視櫃，同埋隔籬有一個閣樓，而喺呢個閣樓下面一組咧就係一入门口嘅呢一個鞋櫃，前面咧都做咗一個坐嘅空間，另外一邊就係一個樓梯櫃，可以上個閣樓上層，而呢一格玻璃門入邊都幾特別，因為就用咗一啲鋁框嘅玻璃層板嚟做，而呢種層板係可以帶燈可以光，隔籬呢一格個門就做咗一個條紋板，然後入邊就係有電掣位，咁屋主就係可以攞嚟擺一啲電器，隨時可以插電。咁閣樓底呢組嘅鞋櫃咧，其實佢就係一個鞋櫃，下層就可以擺到好多對鞋，然後上面都係有兩個柜筒，隔籬呢一組就係一個換鞋凳，換鞋凳下面都有個細嘅儲物格，可以擺鞋又得，或者攞嚟擺啲鞋油啊、擦鞋用嘅刷啊嗰啲都可以放喺呢度，另外呢一邊前面就係有個座墊，然後都係用咗同樣嘅鋁框玻璃門，入邊咧就係普通嘅玻璃層板，咁左右都做咗燈帶，所以都唔需要喺個層板度再滲光，下層都係一個比較大嘅儲物空間，上面都係做咗柜筒。咁通常呢個空間最难用嘅就係呢啲轉角位，不過我哋設計師都好有心思咁樣做咗一個掀起嘅板，就可以用到底下嗰個轉角位嘅空間，而座位下面嘅位置當然都唔會放過，都係可以攞嚟擺嘢。

咁我哋咧就帶大家睇完咗呢個兩房一廳嘅完整嘅全屋家私，如果你都好想好似呢一位屋主咁樣，可以滿足每一個家庭成員嘅唔同喜好之餘，又想利用起每一寸嘅空間，就快啲聯絡我哋好家私嘅設計師啦 🙌✨