【直拍工廠試裝現場】海怡半島簡約實用睡房設計 | 地台床 | 衣櫃 | 書枱 | 訂造傢俬 | 好傢俬 Hohomehk

今日我哋好傢俬嘅工廠喎，就試裝咗一間海怡半島嘅兩間房嘅傢俬，咁呢個就係一個現代嘅簡約風格嚟嘅，我哋一齊嚟睇下造成點先，呢個就係第一間房。🏠

佢有書檯啦，床啦，同埋床尾都仲有一個比較大嘅櫃嘅，首先我哋嚟望一望呢張型嘅書檯啦。呢張書檯上面就有一個比較大嘅吊櫃，咁呢個吊櫃個深度係可以掛到衫嘅，所以做咗掛衣通轉個位都通埋入去嘅。下面呢就係一個書架，一個層板架，然後呢邊做咗櫃筒，櫃筒呢我哋都係有鎖櫃嘅，隔離轉角位都係可以擺嘅。📐

然後呢個書檯嘅正上方就有一個做咗長虹玻璃嘅鋁框玻璃門，咁呢種窗灰色配白色呢都係幾靚嘅，仲用咗一啲石紋嘅檯面板，下面有一個薄嘅櫃筒可以用。✨

跟住到隔離呢就係有一張可以攞嚟儲物嘅床，咁呢張床呢就係用一個地台嘅榻榻米儲物箱拼合，呢個前面係有櫃筒收納嘅設計嘅，嗱大家可以見到呢前面呢就做咗六個櫃筒，咁呢六個櫃筒呢都係做咗有鎖櫃嘅。🛏

然後床尾呢其實佢都仲有一定嘅空間，所以呢做咗一個比較大嘅櫃嘅，咁都係相應翻對面嗰個嘅書檯嘅設計啦，咁都係用咗同樣嘅設計元素嘅，咁床尾板都係做咗一個隔柵，隔籬呢就係一個開放嘅儲物格，左邊呢都做咗一個大圓邊嘅。👍

跟住我哋就去睇另一間房啦，呢一間房呢就係一間大房嚟嘅，左邊呢就做咗一個衣櫃，呢個衣櫃上下兩層都可以掛衫嘅，下邊呢一格呢就係三個可以擺其他衣物嘅櫃筒。👕

而隔離呢一張大嘅書檯呢，因為要走翻呢海怡半島呢啲房呢通常都有好多不規則嘅角度啊，所以都係根據個房嘅牆身做咗個轉角嘅，下面呢就係有薄嘅櫃筒啦，咁呢啲櫃筒通常都會做得比較薄嘅，因為就驚頂住隻腳坐就坐得唔係太舒服嘅。📐

上面呢就做咗玻璃門嘅，下面呢都係做咗燈帶，然後呢個儲物櫃都係走高個牆身角度做嘅，咁呢組傢俬嘅對面呢就係呢一張床，咁呢張床呢雖然睇落呢就細啲，但係呢儲物空間呢都係一啲都唔少嘅。🛏

我哋首先睇下佢床頭嗰個位置啦，床頭呢個櫃呢其實係做到好深嘅，基本上每一格呢都係全部可以全通到底嘅，右上面呢都有中空嘅位置同埋吊櫃，吊櫃都係可以擺到好多物件嘅，中空做咗插蘇位。然後呢床頭呢個後面嘅箱除咗喺側邊打開，都仲可以翻落呢個床頭板去攞到呢個空間入面嘅嘢嘅。💡

咁床嘅主體呢都係同隔離間房差唔多嘅，都係用咗呢個地台嘅儲物箱再加上前面做櫃筒嘅呢種模式嘅，咁成個床呢佢就加高咗啦，所以呢個儲物空間呢就好足夠啦。

如果你都中意呢一類型簡約有實用嘅傢俬嘅話呢，聯絡我哋好傢俬嘅設計師，我哋一定可以做到你心宜嘅設計。✨