錦繡花園工廠試裝：上下床與間房櫃

我哋而家又係好傢俬嘅工廠啦，咁我哋今日就睇下今日試裝嘅一個锦绣花園嘅一個工人房同埋一個長輩房嘅傢俬，咁呢個設計都幾特別嘅，上層下層分得好清晰。下層就係俾屋企老人家或者長輩居住嘅地方，上層就係一個俾工人瞓嘅一張床啦，亦都係一個小小嘅比較有私隱嘅空間，咁呢個設計呢唔單止可以令到屋企嘅空間更加實用，而且工人同長輩瞓嘅距離因為比較近，所以呢變咗其實都方便佢哋互相照顧嘅。💡

呢組傢俬除咗有床嘅功能之外，其實佢嘅儲物空間都好多㗎，好似呢一格咁樣，其實佢就做滿咗成個櫃嘅深度，可以擺到好多大型嘅物件。隔離呢一度我哋打開呢個帶有日式風格嘅格仔玻璃門，裡邊就係俾長輩休息嘅空間。🛏

上面呢一格就有一個好似床頭櫃嘅功能，方便擺一啲老人家要用嘅物件，譬如啲藥或者係飲水都可以擺喺呢度。下面就係榻榻米嘅儲物箱，咁就可以用盡晒裡邊嘅空間去儲物。床尾呢邊就做咗一個百葉嘅氣窗，方便通風，同埋夜晚冷氣都可以入到嚟。🌬

下面呢一度都係一路通到底，都係一個好大嘅儲物空間。而呢張床前嗰一半嘅位置就攞嚟做咗呢三個櫃筒，呢三個櫃筒都算非常好用，即係唔單止可以擺低長輩佢自己嗰啲嘅衫褲襪，而且因為向住個廳嘅關係，喺外邊都可以隨時攞嚟用，而唔會騷擾到裡邊休息嘅人。👴

呢度趟門都係有精心考慮過嘅，呢個就係一個三趟門，有三條路軌，所以佢就有一個三分之二大嘅開口，呢個開口對於長輩嚟講都好緊要，方便佢哋上落。上層就係工人住嘅空間，都係做咗個百葉嘅門，我哋可以睇到遠處嗰組櫃就係俾工人擺下啲佢自己嘅私人物件。👩‍🍳

床架我哋都係做咗龍骨架，唔會係一張單板咁容易變形，而樓梯嘅位置就做咗一札櫃筒，呢啲櫃筒前面就做咗個斜面，唔單止可以上落方便，裡邊嘅儲物空間都用得好盡。

咁呢個就係裝好咗嘅樣，整體效果都係唔錯，尤其是功能上就真係一流。如果你哋都有呢個需要，屋企有老人家，而有需要請工人照顧嘅話，都不妨考慮下呢個設計。或者你有其他想法，都隨時歡迎你同我哋好傢俬嘅職員聯絡。👍