西沙Sierra Sea嘅完工案例，一入屋就見到呢個星級玄關櫃同電視櫃嘅連體設計。玄關櫃做咗到頂設計，下半部係超大容量嘅鞋櫃，入面啲層板可以自由調節，放長靴都完全冇問題。中間留空咗做中空櫃，加埋滲光燈帶，放鎖匙同裝飾品就最啱，一入門口就覺得好溫馨。連住過去嘅電視櫃用咗簡約嘅木紋同白色拼色，感覺好清新，好適合現代家庭嘅裝修風格。電視櫃下面做咗懸空設計，方便掃地機械人出入，同埋加咗一排櫃桶，可以收納好多客廳嘅雜物，令到個廳睇落去更加整齊闊落。