現代簡約成屋灰點解仲咁暖？

成間屋用咗現代簡約嘅灰色主調，但係一啲都唔覺得冷冰冰。秘訣就係加入咗大量溫暖嘅木紋元素同埋暖色系嘅LED燈帶。一入門口就有個實用嘅C字櫃，中間留空可以擺鎖匙同埋裝飾品，下面懸空設計方便擺拖鞋。客廳電視櫃一路延伸，儲物空間非常充足，無把手設計令到空間更加俐落。睡房就做咗到頂衣櫃，唔惹塵之餘仲可以收納晒啲轉季衣物同被鋪。整體設計好適合香港嘅中小型單位，既型格又保留到屋企嘅溫馨感。