屋企做完油漆工程，只要清乾淨地下，就可以準備入傢俬啦。訂造傢俬一送到，師傅就會即刻幫手組裝。今次客廳做咗一組頂天立地嘅大衣櫃同C字櫃，用咗淺木色配搭白色，感覺非常清新光猛。C字櫃中間留空加咗燈帶，方便擺放鎖匙同銀包。櫃桶全部用咗緩衝門鉸同路軌，開關順滑又安靜。收口方面做得好貼服，完美遮蓋牆身唔平嘅問題。