馬鞍山居屋日式趟門間房｜白配原木嘅暖系收納設計

呢個馬鞍山居屋案例（錦駿苑、錦豐苑、錦暉苑同沙田愉德苑同樣適用），用純白配原木色打造出暖意洋溢嘅日系家居。臨窗位置做咗地台床，床下全部係抽屜收納，將細單位嘅睡眠同儲物合而為一；玄關就用上入門必備嘅 C 字櫃，中空位置做茶水間，地櫃收鞋、側面高櫃收吸塵機等大件物品，功能分明。最有特色係格子玻璃趟門，半通透嘅設計間房之餘唔會擋光，令客廳同睡房既獨立又夠通透。想將自己嘅居屋單位改造成同款暖系空間，歡迎 WhatsApp 預約免費上門度尺。