閣樓連貓爬梯 人貓共居嘅小天地

屋企養貓，又想睡眠、收納、玩樂都各有各位？呢個利奧坊·壹隅嘅方案為貓奴同主子度身打造一個閣樓小天地。向上發展做咗一個閣樓瞓覺平台，將睡眠區同生活區分層，細單位都即刻多出一大片使用空間；通往閣樓嘅樓梯同時係貓咪嘅遊樂場，梯級之間開咗貓窿貓洞、加設貓窩，連樓梯底都藏埋收納，一物多用毫不浪費。落到地面設綠色布藝地台卡座，坐得又內藏收納，配圓形木几、掛畫牆同開放式儲物層架，加上燈帶氣氛，舒服又有生活感；開放式廚房用上磚紅色牆磚，暖調得嚟又易打理。全屋以奶油白、抹茶綠配原木色，溫柔療癒。全屋訂造可以按你單位嘅樓底同間隔設計閣樓同貓設施。想傾下屋企點做，歡迎 WhatsApp 預約免費上門度尺。