平頂屋仔床｜上床下書枱衣櫃組合 8尺樓底都做到嘅兒童房設計

好多小朋友都想瞓喺小木屋入面，但傳統三角頂屋仔床要夠高樓底先做到，仲多清潔死角。呢款平頂屋仔床特登將屋頂拉平，8尺樓底一樣起到，同樣有住喺小屋嘅感覺，打理起上嚟更方便。粉藍配白色做主調，加上黃色波浪簷篷同拱形小窗，得意又溫馨；上層睡床鋪咗綠色軟包背墊，四圍設白色圍欄保護，瞓得安心。下層一物多用，藏埋書檯、開放式書架同掛衣衣櫃，仲有抽屜收納，做功課同擺書包玩具都有位。右邊樓梯級級藏有抽屜，行得上落之餘又可以收納，慳盡每一寸空間。全屋按你單位樓底同尺寸度身訂造，用色款式都可以夾小朋友喜好。想知點樣配置，歡迎 WhatsApp 預約免費上門度尺。