玄關位唔好再放普通鞋架啦！呢組C字櫃設計將玄關空間用到盡。頂部做咗吊櫃放少用嘅雜物，中間留空位加咗LED燈帶，一入門口就可以放低鎖匙同銀包，仲可以擺啲裝飾品。下半部就係特大容量嘅鞋櫃，入面啲層板可以自由調節高度，長靴定係高踭鞋都放得落。最底層仲特登懸空咗，方便擺平時著開嘅拖鞋，掃地機械人都可以輕鬆出入。成組櫃用咗防刮耐磨嘅生態板，容易打理又襟用，絕對係現代家居必備。