巧妙將玄關櫃同書枱結合埋一齊嘅一體化設計，完美解決細單位空間不足嘅問題。近門口位置係高身鞋櫃同儲物櫃，轉角位順勢延伸出一張實用嘅書枱，平時WFH或者俾小朋友做功課都非常合適。書枱上方做埋吊櫃同層板，增加書本同文件嘅收納空間。整體用咗溫暖嘅橡木色配搭白色，視覺上連貫統一，大大提升全屋嘅空間實用率。