師傅無懼高溫，去到村屋單位一樣裝得咁靚。今次呢個單位訂造咗一組超大型嘅頂天立地儲物櫃，用上純白啞面門板，成個空間望落去非常闊落。櫃入面嘅層板全部可以自由調校高度，靈活度極高。廚房就做咗L型廚櫃，無縫石枱面容易打理唔索色，底櫃加埋多個拉籃同櫃桶，啲煲煲罉罉全部有位擺。無論係村屋定私樓，師傅嘅手工都係咁細緻，收口完美貼合牆身，穩陣又耐用。