牆紙 VS 油漆 邊個比較好？牆布又有咩分別？

如果你係買新盤嘅準業主，又好滿意單位嘅原裝裝修，那就恭喜你，你可以省去點樣處理牆面裝修嘅煩惱。如果你係二手樓買家，想重新為新居裝修嘅話，就要考慮清楚邊種牆面裝修最適合你嘅預算同屋企想呈現嘅風格了。現在市面上最流行嘅牆面裝修有四種，分別係油漆、牆紙、牆布同特色牆，想知道四種方法有咩分別，就要繼續睇下去了。

牆紙

牆紙嘅款式揀選多，花紋也較為精緻，但設計感較弱。另外，香港天氣潮濕，尤其近海嘅地區，使用牆紙很易就會浮起或變得凹凸不平，壽命比較短。牆紙若被刮傷後也無法修補，需要全幅牆紙更換，比較不便。

而貼牆紙很講求師傅嘅手工，貼得不好嘅話，邊位特別容易皺起，縮短牆紙嘅使用壽命。

油漆

油漆嘅顏色揀選好多，市面上亦很容易搵到各大牌子嘅油漆色卡可以參考，價錢亦係最經濟實惠嘅。但油漆上色嘅方法多為一幅牆一種色，或用幾種色漆成大色塊或幾何圖案組合而成，較難做出很細緻嘅圖案。

但近年油漆除了千變萬化嘅顏色揀選外，仲有包羅萬象嘅質感揀選，如水泥漆、乳膠漆、珪藻土、礦物塗料、特殊塗料等，加上油漆塗刷工具同工法嘅使用配搭，更能有仿石材、布紋、清水模等油漆物料觸感幾可亂真嘅仿飾效果。不過油漆嘅施工期較長，而且如果遇上落雨天，油漆難乾，施工期就會更長。

牆布

近年愈來愈多人揀選牆布，牆布嘅質地比牆紙厚實，而且可以做到嘅立體感更出色，喺光線下嘅視覺呈現很棒，有更高級嘅視覺效果。而牆布嘅質感亦係油漆及牆紙難以做到嘅，壽命也較牆紙長，不過價錢相對都會貴一點。

特色牆

預算多一點嘅業主，可以試試喺屋企增加一面特色牆。特色牆有唔同物料揀選，例如玻璃、木條子、鏡子、文化石、巖板等等。

木條子特色牆可以營造日系温暖家居感覺，凹凸有致嘅牆身，看上去十分有特色又不失簡約。木條子特色牆更可配合隱形門使用，打造時尚簡約嘅家居風格。

想工業風可揀選文化石，雪白嘅磚牆，簡約但好有質感。

近年流行嘅巖板，係用岩石加工嘅板材，將岩石、石英、黏土等一啲天然原料打成粉，再經過1200℃以上高温燒制而成。巖板嘅質感同大理石好接近，硬度比大理石高但重量較輕，更適合裝上牆身做特色牆，追求輕奢風格嘅業主可以多留意巖板嘅特色牆設計。

牆紙、油漆、牆布同特色牆，點樣揀選用邊個好？

要決定用哪一種牆面裝氛，可以從想嘅家居風格入手。

如果想清爽嘅無印風格、簡約嘅極簡風格、無壓嘅北歐風格或係沉著嘅輕工業風格，都可以使用油漆來達到呢啲效果。

如果想設計温潤嘅美式鄉村風格、沉穩嘅新中式風格或係高級嘅輕奢風格，可以利用牆紙、牆布喺配搭上具風格特色嘅傢俬營造出更有層次感嘅空間。至於揀選牆紙及牆布，主要則取決於你嘅預算多少。

至於特色牆，尤其適合設計感較強嘅現代時尚風格。

牆面裝修嘅環保考慮

說到裝修，好多人都關心環保及健康嘅考慮。油漆方面，大品牌都相繼推出環保低甲醛嘅油漆系列，更有為兒童房特製嘅零甲醛兒童漆，保障全家人嘅健康，也冇舊時油漆會造成嘅難聞氣味問題。

而牆紙及牆布，一般都用上環保嘅物料製造，唔會有咩問題，唯獨要留意所使用嘅膠水或黏合劑係咪符合健康及環保標準，所以裝修前記得要先同裝修師傅確認會使用到嘅膠水及黏合劑。

而特色牆多數較重，會以打釘上牆嘅做法固定，冇膠水及油漆嘅甲醛問題。揀選木條子特色牆嘅業主就要注意用料係咪採用E0或E1特低甲醛嘅板材製成。