每個女性都要知道13種梳妝枱同衣櫃嘅組合做法

梳妝枱同衣櫃嘅13種唔同組合做法

一張好用嘅梳妝枱可以幫你更輕鬆地喺朝早同夜睌整理自己嘅面容。但梳妝枱應該點樣設計才好用? 下面我哋整理了13種梳妝枱同衣櫃唔同嘅組合做法希望可以幫助你獲得啟發。

1. 衣櫃開一格出來做梳妝枱

如果你嘅房間唔係太大，可以考慮喺犧牲少少衣櫃嘅空間，做一個開放式嘅空間。呢個空間嘅背板可以貼上銀鏡，可以站著使用，同時呢一格可以靠近窗邊，咁樣早上起床時陽光足夠，更容易扮靚靚啦。同時梳妝枱嘅位置可以做一個櫃桶，直接拉出來放化妝品。

2.喺書枱面做一個上揭嘅梳妝鏡

梳妝枱可以用書枱嘅做法由衣櫃中延伸出來，書枱面可以做成上翻嘅門板，門板下貼有銀鏡，咁樣翻起來就變成梳妝枱了。翻起來嘅空間，入面仲可以做成格仔櫃，用嚟收納唔同嘅美容產品。呢個梳妝枱嘅隱藏方法關閉鏡蓋時，梳妝枱可以兼作書枱用。

3.衣櫃另一種延伸

如果你唔鍾意第二種嘅做法，因為當使用時你會發現每次都要清空枱面上嘅雜物。如果不慣收拾嘅用家，用起上來可能就會覺得不方便了。咁樣我哋就畀你建議呢一種嘅衣櫃同梳妝枱嘅整合做法。呢個做法其實很簡單就係直接將書枱向牆，咁樣銀鏡就可以直接放喺枱面上或則喺牆上。咁樣使用變得更直接。衣櫃嘅側面仲可以做成開放式嘅層板空間，用嚟擺放化妝用品。同時書枱向床嘅一側亦都可以做開放式收納架，咁樣更充當床頭櫃使用。

4.利用梳妝枱將床衣櫃分隔

除了用嚟做梳妝用途，如果將梳妝枱設計成下圖嘅做法將可以幫分劃睡眠區同衣櫃區。這唔單止可以提供更大嘅隱私, 如果你嘅伴侶需要更早起床，這仲可以減少幹擾。唔同時間返工嘅你或妳可以考慮一下呢個設計哦。

5.將梳妝枱連枱帶椅塞入衣櫃中

如果你希望房間嘅空間睇落整整齊齊，咁樣你不容錯過呢個設計。喺呢個設計入面，我哋將整個梳妝枱塞進衣櫃中。咁樣房間或衣間嘅空間就會變得更統一。如果擔心喺衣櫃入面嘅梳妝枱嘅燈光不足，咁樣你可以考慮喺衣櫃嘅頂部加設燈帶，或喺前面裝一啲軌導燈。

6.吊鏡

化妝鏡從天花板上垂下係一種設計嘅演繹。喺不影響光線同通風嘅情況下，佢也可喺衣櫃同睡眠區之間提供一個私隱屏幕。

7.滿足於角落

空間真嘅很有限，但又唔想冇梳妝枱？竊取呢個小空間嘅想法！梳妝枱僅佔衣櫃側面嘅一個小角落，所以唔會妨礙出入。而圖中右邊纖巧嘅小櫃子頂部為擺放小瓶子提供額外嘅空間。

8.滑動拉鏡

這係另一個小空間梳妝枱嘅想法畀細單位客人。如本例示，專用嘅梳妝枱其實唔使太多空間。喺衣櫃嘅側面安裝了全身鏡面板，可以將其滑動打開，露出一列狹窄嘅架子，可存放大量嘅美容護膚產品，設計實用又美觀。又可以讓梳妝鏡充當全身鏡嘅功能。拉鏡除了可以做喺衣櫃嘅側面，仲可以隱藏喺衣櫃入面。原理相同，亦係做一塊板，面貼一塊鏡，然後從衣櫃嘅側面拉出。通常拉鏡比較商用喺趟門衣櫃。

9.大單位嘅霸氣形梳妝枱

如果你嘅單位足夠大，可以考慮空出一個房間，一面牆做全高嘅入牆衣櫃，另一面牆做成鏡子，前面放張加長嘅書枱同半高飾櫃，就可以打造出超豪華同超霸氣嘅梳妝空間了。

10. 彷如衣帽間

如果你不願意用整間房建一個衣帽間，可以考慮喺房裡擠出一角。呢個小空間嘅” 衣帽間” 還 包括一張梳妝枱，該梳妝枱嘅鏡子高至天花板，喺視覺上加長了空間並為整個區域反射光線。

11.鏡面櫃面

一個L形轉角櫃其實亦都可以輕鬆變出一張梳妝枱。方法就係將當中一面櫃嘅門板做成鏡面，同時喺另一面做一啲開放式層架，咁樣一個適合細單位又極具空間感嘅梳妝枱設計就出現了。

12.手飾櫃亦可以變出梳妝枱

這款開放式衣櫃設有放手飾嘅櫃枱，可兼作站立式梳妝枱。掛牆嘅八角形鏡子係一種華麗宣言，畀環境增添了典雅同奢華。

13. 木紋撞白打造簡易嘅梳妝枱

例如這入牆梳妝枱，其木嘅質感及色調，為這刷白嘅空間提供温暖。梳妝枱嘅天然木紋同全白色衣櫃形成鮮明對比，但相同嘅通空拉手設計可以幫喺兩者之間建立聯繫。